له‌نێو یاریگا و هانده‌رانیدا یانه‌ی لیۆنی فه‌ڕه‌نسی 3-1 له‌یانه‌ی بۆردۆی هه‌مان وڵات برده‌وه‌ و تا ڕاده‌یه‌ک سه‌رکه‌وتنی بۆ قۆناغی داهاتوو مسۆگه‌رکرد.لیساندرۆ لۆپێزی هێرشبه‌ری یانه‌که‌ ئه‌ستێره‌ی یارییه‌که‌ له‌خوله‌کی 10ـی یارییه‌که‌دا گۆڵی یه‌که‌می لیۆنی تۆمارکرد و چوار خوله‌ک دواتر مه‌ڕوان شه‌ماخ ئه‌نجامه‌که‌ی بۆ بۆردۆ یه‌کسان کرده‌وه‌ و له‌خوله‌کی 32 دا میشێل باستۆسی به‌ڕازیلی گۆڵی دووه‌می یانه‌ی لیۆنی تۆمارکرد و پاشان لیساندرۆ لۆپێز له‌خوله‌کی 77ـی یارییه‌که‌دا به‌لێدانی سزا گۆڵی دووه‌می خۆی و سێهه‌می یانه‌که‌ی تۆمارکرد،هه‌روه‌ها له‌دوا خوله‌کدا سیدنی گۆڤۆی هێرشبه‌ری لیۆن هه‌لێکی ئاسانی گۆڵکردنی له‌ده‌ستدا که‌ده‌یتوانی هه‌ر له‌ئێستاوه‌ بلیتی قۆناغی داهاتووی پێ مسۆگه‌ر بکه‌ن.به‌ڵام به‌شێوه‌یه‌کی چاوه‌ڕواننه‌کراو تۆپه‌که‌ی ئاراسته‌ی ده‌ره‌وه‌ی گۆڵ کرد.